SBI Me Zero Balance Account Kaise Khole, Dekho aaj ke samay me log bank ka chakkar lagana aur lambi lino me khade hona ab koi nahi chahta hai, Yahi sab dekhte hue hamare desh ka sabse bada bank, State Bank Of India [SBI], aapko yeh suvidha deta hai ki aap bina bank ke chakkar lagaye aap apne mobile phone se, Seedhe bank ki website par jakar 5-10 minute me apna zero balnce account khol sakte hai.
Agar aap bhi saal 2026 me bina kisi jhanjhat ke apna bank account khulwana chahte hain, To nichhe diye gaye complete process ko step by step follow karein, jisme humne website ke zariye account kholne ka poora process bataya hai.
SBI Me Zero Balance Account Khulwane Ke Shandar Features:
SBI websites ke through bank account khulwane par SBI Insta Plus Saving Account me aapko kai shandar features mil jaate hain.
1. SBI Zero Balance Khata:
Isme apko koi bhi minimum balance rakhne ki zarurat nahi hoti hai, Agar aapke account me ₹0 balance bhi hai, Tab bhi aapko koi penalty ya charges nahi dena hota hai.
2. 100% Paperless & Digital:
Aapko isme koi bhi kagazi form bharne ya use bank me jama karne ki jarurat nahi hoti hai.
3. No SBI Branch Visit:
Isme aapko account kholne se lekar chalu hone tak, aapko ek baar bhi sbi bank ki branch [shakha] jaane ki zarurat nahi hai.
4. Free Rupay Debit Card:
Account khulne ke baad aapko ek Free ATM Card milta hai, jiska use aap online shopping aur cash nikal sakte hain.
5. Full Banking Suvidha:
Aap is bank account se Internet Banking, Mobile Banking, aur UPI (Google Pay, PhonePe) ka poora fayda utha sakte hain.
SBI Me Zero Balance Account Ke Liye Eligibilty:
- Applicant Bharat ka nagrik [Resident Indian] hona chahiye
- Applicant ki age 18 saal ya usse zyada honi chahiye
- Applicant ka SBI me pahle se koi bhi dusra Savings Account nahi hona chahiye
SBI Me Zero Balance Account Kholwane Ke Liye Zaruri Documents:
1. Aadhaar Card:
Aapke pass aadhaar card hona chahiye aur aadhaar card me mobile number link hona chahiye [OTP ke liye].
2. PAN Card:
Aapke paas original aur Physical PAN card hona chahiye, jise aapko video call par bank officer ko dikhana hoga.
3. Pen aur Paper:
Ek blank white paper aur black/blue pen apne paas rakhein, jisse aap bank officer ko live signature karke dikhana hoga
SBI Me Zero Balance Account Kaise Khole? Step By Step Process:
Aap apne mobile ya laptop ke browser ko khole [jaise Google Chrome] aur niche diye gaye steps ko follow karein
Step 1. Official Website Open Karein:
Sabse pehle aap SBI ki official website par jayein, jiska direct link [https://sbi.bank.in/].
Step 2. Saving Bank Account Par Click Karein:
Ab aap account wale section me jaye aur waha par “Saving Bank Account” par click karein.
Step 3. Saving Account Through Video KYC par jaye.
Ab aap thoda nicche scroll karein, waha par aapko ek option milega “Saving Account Through Video KYC” us par click karein.
Step 4. ‘Apply Now’ Wale Option Par Click Karein:
Photo me dikh rahe baingani [purple] rang ke “Apply Now” button par click karein.
Iske baad “Start a New Application” par tap karein.
Step 5. Mobile Number Aur Email Verify Karein:
Aap apna active mobile number aur email ID darj karein. Aapke number par ek OTP aayega, use dalkar submit karein
Step 6. Aadhaar Card Aur Pan Card Ki Details Ko Fill Karein:
- Apne Aadhaar card ka number enter karein aur link mobile par aaye OTP se verify karein. Aadhaar se aapka naam, photo aur pata automatic le liya jayega.
- Iske baad apna PAN card number dalein aur aage badhein.
Step 7. Apni Personal Details Bharein:
Ab aapke screen par ek aasan sa form aayega, jisme aapko yeh jankari bharni hogi:
- Aapka Qualification [Aap kitna tak padhe hain].
- Aapka Occupation [Aap kya kaam karte hain] aur aapki saalana kamai kitni hai.
- Nominee Details: Apne mata-pita ya parivar ke kisi bhi sadasya ko nominee banayein aur unka naam darj karein.
- Branch Selection: Apne ghar ke sabse paas wali SBI branch ko dhoondh kar select kar lein.
Khata Chalu Karne Ka Last Steps Video KYC Karein:
Form ko submit karne ke baad me aapko ek Application Reference Number (ARN) milega. Ab aap account ko puri tarah chalu karne ke liye aapko website par hi Video KYC karni hogi:
1. Video Call Shuru Karein:
- Working hours me click karein
- Website par dikh rahe “Start Video KYC” par click karein. Ab aapse Bank ka ek executive aapke samne video call par jud jayega
2. Details Verify Karein:
- Aapki live photo click hogi
- Bank officer aapka naam poochega aur aapke chehre ki ek saaf photo live click karega.
3. PAN Card Aur Sign Dikhayein:
Aapko apna original PAN Card camera ke samne saaf dikhana hoga aur white paper par live sign karke dikhana hoga.
Bank Account Khulne Ke Baad Kya Hoga?
- Video KYC poori hone ke 24 se 48 ghante ke andar bank aapka account chalu kar deta hai
- Aapke mobile number par SMS ke jariye aapka Account Number, CIF Number, aur IFSC Code bhej diya jayega.
- Iske baad aap aapna Google Pay, PhonePe, ya Net Banking ko chalu kar sakte hain.
- Aapka Rupay Debit Card (ATM) agle 7 se 15 din ke andar aapke ghar ke pate par post se aa jayega
Conclusion:
Saal 2026 me State Bank of India (SBI) me zero balance account kholna pehle se kaffii zyada aasan aur surakshit ho gaya hai. Agar aapke phone me app support nahi bhi kar raha hai, to aap bina kisi rukawat ke seedhe SBI ki website par jaakar apna digital account khole sakte hain.
Bina kisi hidden charges aur bina minimum balance ke jhanjhat ke, yeh account un sabhi logo ke liye best hai jo ek behtareen aur zero balance digital banking experience chahte hain. To der kis baat ki? Aaj hi apne Aadhaar aur PAN card ka istemal karein aur upar bataye gaye steps se apna bank account open karein!
FAQs:
Q1. SBI Insta Plus Account kaun-kaun khol sakta hai?
Koi bhi Bharatiya nagrik (Resident Indian) jiski umar 18 saal se upar hai aur mobile number Aadhaar card se link hai, woh yeh khata khol sakta hai.
Q2. Kya main Aadhaar me registered number ke alawa koi dusra mobile number istemal kar sakta hoon?
Haan, aap apply karte waqt dusra mobile number daal sakte hain. Lekin dhyan rakhein, verification ke samay jo OTP aayega, woh aapke Aadhaar se link mobile number par hi jayega, isliye woh number aapke paas hona chahiye.
Q3. Kya SBI Insta Plus Account me online nominee add karna zaroori hai?
Haan, is account ko kholte samay online nomination [waaris ka naam] darj karna zaroori hai.
Q4. Kya khata kholne ke liye bank ki branch [shakha] jana padega?
Bilkul nahi! SBI Insta Plus account poori tarah digital hai. Isko kholne ke liye aapko kisi bhi bank branch me jaane ki koi jarurat nahi hai, saara kaam ghar baithe official website se ho jayega.
Q5. Kya is account me Cheque Book milta hai?
Haan, jab aapka account safalta-purvak khul jayega, uske baad aap Internet Banking (INB), YONO app, ya branch me jaakar alag se Cheque Book ke liye apply kar sakte hain.
Click Here: [https://lavkushdigital.com/pnb-zero-balance-account-kaise-khole-2026/]