Minor PAN Card Kaise Banaye 2026, Aaj ke samay me PAN Card ek bahut zaruri document ban gaya hai. Agar aap bhi apne bache [Minor] ke naam par Bank Account ko khulwana chahte hain ya phir bache ke naam par Mutual Funds aur Shares me Investment karne ko soch rahe hain? Agar Haan, Toh aapko unke liye ek Minor PAN Card [18 saal se kam umar ke bacho ka PAN Card] banwana hoga.
Aksar logon ko kya lagta hai ki PAN Card sirf bade logon ka hi banta hai, lekin aisa nahi hai. Income Tax Department ke mutabik, bacho ka bhi PAN Card banaya ja sakta hai. Is article me hum aapko Minor PAN Card Kaise Banaye 2026 ke naye rules ke hisab se Minor PAN Card banane ka complete online process, zaroori documents aur fees ki poori jankari step by step di gai hain
Minor PAN Card Kya Hota Hai?
Minor PAN Card 18 saal se kam umar ke kisi bhi bache ke liye jaari kiye gaye PAN Card ko Minor PAN Card kehte hain.
Important Key:
- Minor PAN Card par bache ki photo nahi hoti hain.
- Minor PAN Card me bache ki na to signature hoti hain.
- Isme bache ke badle unke Mata-Pita [Parents] ya Legal Guardian ke signature hote hain.
- Jab bache ki umar 18 Saal ho jaati hai, tab ise ‘Major PAN Card’ me update karwana padta hai.
Minor PAN Card Ke Liye Zaroori Documents:
Bache ka apna koi bada identity proof nahi hota hai, isliye isme Minor PAN Card ke application me bache ke Janm Praman Patra [Birth Certificate] ke sath-sath Parents ka documents bhi lagta hain
| Document Type | Kaun Sa Document Dena Hoga? |
| Bache Ka Birth Proof | Birth Certificate [Janm Praman Patra]/Aadhaar Card |
| Bache Ka Identity Proof | Aadhaar Card |
| Parents Ka Identity Proof | Aadhaar Card/Voter ID Card/Passpost/Driving License |
| Parents Ka Address Proof | Aadhaar Card/Bank Passbook/Electricity Bill |
| Extra Documents | Bache Ki 2 Passport Size Photos [Form Par Lagane Ke Liye] |
Minor PAN Card Ki Applications Fees Kitni Hain?
- Indian Address ke liye: Agar aap India ke andar PAN card mangwana chahte hain, toh fees ₹107 [GST ke sath] lagti hai.
- Foreign Address ke liye: Agar aap India ke bahaar kisi address par mangwana chahte hai, toh fees lagbhag ₹1,017 hoti hai.
- Sirf e-PAN Card ke liye: Agar aapko Physical Card nahi chahiye, sirf PDF format me e-PAN chahiye, toh fees Lagbhag ₹72 hoti hai
Minor PAN Card Online Apply Kaise Kare? Step By Step Process:
Bacho ka Minor PAN Card online apply karne ke liye sabse best aur aasan tarika Protean [Pehle NSDL] Portal hai. Jisme neeche diye gaye steps ko follow karein:
Step 1: Official Portal Par Jayein:
Sabse pehle Protean [NSDL] ki official website par jayein, jsika direct link https://onlineservices.proteantech.in/paam/endUserRegisterContact.html
Step 2: Application Type Select Karein:
Application Type: New PAN – Indian Citizen [Form 93A] ko select karein Aur Category me Individual ko select karein
Step 3: Bache Ki Basic Details Ko Fill Karein:
- Bache ka Last Name, First Name
- Date of Birth
- Email ID aur Mobile Number ko daale
- Aur Captcha Code Fill kare Phir Submit par click karein
- Ab Aapko ek Token Number milega, usse note kar lein.
Step 4: Parents [Guardian] Ki Details Ko Fill Karein
Minor ke case me bache ki details ke sath Representative Assessee [Guardian] ka option milega. Wahan par No select hoga. Usse aap Yes par click karke Mata ya Pita ki poori details [Naam aur Address] ko fill karein.
Step 5: AO Code Ko Fill Karein:
Apne Area ka AO Code select karein [yeh website par hi search karne ka option mil jata hai.
Step 6: Document submit karein:
Iske baad Identity, Address Proof ke liye Aadhaar Card select karein. Aur Date Of Birth ke liye Birth certificate ko select karein. Ya phir aapke pass jo usme diye document ho to usko select karein
Step 7: Online Payment Karein:
Ab aap Debit Card, Credit Card, Net Banking ya UPI ke zariye ₹107 ki online fees ka payment karein. Aur Payment hote hi aapko ek Acknowledgement Receipt milegi.
Sabse Important Step [Physical Document Dispatch]
Minor Pan Card ke case me Aadhaar OTP se online e-KYC [Biometric/Digital Sign] nahi ho pata kyunki bache ke signature nahi hote. Isliye aapko niche diya gaye steps ko follow karna hoga:
- Jo Acknowledgement Receipt aapne download ki hai, uska print ek nikalen.
- Us par bache ki 2 passport size photo chipkayen.
- Photo aur form par Mata ya Pita [Guardian] ka signature karwayen, Aur [Bache ka sign nahi karwana hain].
- Is form ke sath Bache ka Aadhaar Card aur Parent ke Aadhaar Card ki photocopy [self-attested] attach karein.
- In sabhi documents ko ek lifafe [envelope] me dalkar Protean [NSDL] ke Pune Office ke address par courier ya speed post office dwara bhej dein [Address aapko receipt par mil jayega].
Minor PAN Card Kitne Din Me Aata Hai?
Documents Pune office pahunchne aur verify hone ke baad 10 se 15 din ke andar bache ka digital e-PAN aapki Email ID par aa jata hai, aur 2 se 3 hafte me Physical Minor PAN Card aapke ghar ke pate [post] par pahunch jata hai.
Conclusion:
Minor PAN Card sirf ek document nahi, balki bachche ka financial future ki majboot shuruaat hai. Banking, investment aur kai zaruri kaamon mein iska fayda milta hai. Agar aap apne bachche ke liye aane wale samay ki behtar planning karna chahte hain, to Minor PAN Card banwana ek zaruri kadam ho sakta hai
FAQ: Minor PAN Card 2026
Q.1 Kya Minor PAN Card online banaya ja sakta hai?
Haan, Minor PAN Card ke liye online aavedan kiya ja sakta hai. Iske liye mata-pita ya guardian ko bachche ki taraf se form bharna hota hai.
Q.2 Minor PAN Card banwane ke liye minimum age kitni honi chahiye?
Minor PAN Card banwane ke liye koi minimum age limit nahi hai. Navjaat shishu ke liye bhi PAN Card banwaya ja sakta hai
Q.3 Kya Minor PAN Card bank account kholne ke kaam aata hai?
Haan, kai banks mein bachche ke naam par account kholne, investment karne aur anya financial kaamon ke liye Minor PAN Card ka kaam lagta hai.
Q.4 18 saal ke baad Minor PAN Card ka kya karna hota hai?
18 saal ke baad Minor PAN Card ki details update karwani hoti hain, jisme photo, signature aur anya zaruri jankari jodi jati hai.
Click Here: [https://lavkushdigital.com/rmlau-registration-2026/]